નવી ટેક્નોલોજીના યુગમાં ઉપભોક્તા જાગૃતિ મહત્વપૂર્ણ – ડૉ. અનંત શર્મા

અમદાવાદ, 4 જાન્યુઆરી l ભારતીય ઉપભોક્તા પરિષદ (સીસીઆઈ)ના નેશનલ ચેરમેન ડૉ. અનંત શર્માએ જણાવ્યું કે નવી ટેક્નોલોજીના આ યુગમાં ઉપભોક્તાની જાગૃતિ અત્યંત મહત્વપૂર્ણ છે, નહિતર બજારમાં શોષણ અને વિવિધ સમસ્યાઓ ઊભી થવાની સંભાવનાઓને નકારી શકાય નહીં l
અમદાવાદમાં ઉપભોક્તા સંગઠનોના પ્રતિનિધિઓ સાથેની ચર્ચા દરમિયાન ડૉ. શર્માએ જણાવ્યું કે ઘણા જૂના કાયદાઓ સમાપ્ત થઈ ગયા છે અને નવા કાયદાઓ બનાવવામાં આવી રહ્યા છે. ઉપભોક્તાના હિતોના સંરક્ષણ માટે સારા કાનૂની પ્રાવધાનો પણ બનાવવામાં આવ્યા છે, પરંતુ એઆઈના દુરુપયોગ, ડાર્ક પેટર્ન, નવી ટેક્નોલોજીના દુરુપયોગ અને ઓનલાઈન લેતી-દેતી દરમિયાન ઉપભોક્તાના શોષણની સંભાવનાઓ યથાવત છે. તેથી ઉપભોક્તાને જાગૃત કરવું અત્યંત આવશ્યક છે l તેમની ‘ઉપભોક્તા જાગૃતિ ભારત યાત્રા’ પણ આ જ ઉદ્દેશ્યને ધ્યાનમાં રાખીને આયોજિત કરવામાં આવી રહી છે l
ડૉ. શર્માએ વધુમાં જણાવ્યું કે ઉપભોક્તા મંચોમાં દાખલ થનારા વાદોની સંખ્યા ખૂબ ઓછી છે અને તેના આધારે એવું માનવું યોગ્ય નથી કે લોકોને કોઈ મુશ્કેલી નથી. હકીકતમાં ઉપભોક્તા પોતાનાં હિતોને લઈને ઉદાસીન બન્યો છે, જે સ્થિતિ યોગ્ય નથી અને તેમાં સુધારાની જરૂર છે l
આ અવસરે ભારતીય ઉપભોક્તા પરિષદની રાષ્ટ્રીય અધ્યક્ષ શ્રીમતી પ્રીતિ પંડ્યા, રાષ્ટ્રીય મુખ્ય સચિવ તથા મીડિયા પ્રભારી નિરંજન દ્વિવેદી તેમજ સંગઠનના પદાધિકારીઓ ભરતભાઈ પટેલ, એસ. ડી. સોલંકી, બાબુભાઈ પટેલ, વિપુલ ગુર્જર, રાકેશ ખંડેલવાલ સહિત અન્ય લોકો હાજર રહ્યા l