–“હાઇવે અકસ્માત વ્યવસ્થાપનમાં ફોરેન્સિક અને એઆઈ ના એકીકરણ” વિષયે સંવાદ
અમદાવાદ, 23 જાન્યુઆરી | લાઇફલાઇન ફાઉન્ડેશન અને નર નારાયણ શાસ્ત્રી ઇન્સ્ટિટ્યૂટ ઓફ ટેકનોલોજી જેતલપુર વચ્ચે “હાઇવે અકસ્માત વ્યવસ્થાપનમાં ફોરેન્સિક અને એઆઈ ના એકીકરણ” વિષયે સંવાદનું આયોજન સંસ્થાના પરિસરમાં પદ્મશ્રી પુરસ્કારથી સન્માનિત ડૉ. સુબ્રતો દાસની ઉપસ્થિતિમાં તથા પ્રો. (ડૉ.) સૈલેશ અય્યર, પ્રાચાર્ય, નર નારાયણ શાસ્ત્રી ઇન્સ્ટિટ્યૂટ ઓફ ટેકનોલોજી જેતલપુર ના સંયોજનમાં કરવામાં આવ્યું.
સંવાદ દરમિયાન વક્તાઓએ જણાવ્યું કે ભારતમાં રાષ્ટ્રીય રાજમાર્ગો પર થતા અકસ્માતોના આંકડા અત્યંત ચિંતાજનક છે. વર્ષ 2025ની પ્રથમ છ માસમાં જ રાષ્ટ્રીય રાજમાર્ગો પર 26,770 લોકોના મૃત્યુ નોંધાયા છે, જે દૈનિક સરેરાશ 147 મોત દર્શાવે છે. રાષ્ટ્રીય રાજમાર્ગો પર દર વર્ષે 50,000થી વધુ લોકો જીવ ગુમાવે છે, જે માર્ગ સુરક્ષાની ગંભીર પડકારને ઉજાગર કરે છે.
આ સંદર્ભમાં લાઇફલાઇન ફાઉન્ડેશનના મેનેજિંગ ટ્રસ્ટી અને મુખ્ય કાર્યકારી અધિકારી તથા પદ્મશ્રી પુરસ્કારથી સન્માનિત ડૉ. સુબ્રતો દાસે નારાયણશાસ્ત્રી ઇન્સ્ટિટ્યૂટ ઑફ ટેકનોલોજી – ઇન્સ્ટિટ્યૂટ ઑફ ફોરેન્સિક સાયન્સિસ એન્ડ સાઇબર સિક્યુરિટી ( નર નારાયણ શાસ્ત્રી ઇન્સ્ટિટ્યૂટ ઓફ ટેકનોલોજી જેતલપુર), અમદાવાદની મુલાકાત લીધી.
પ્રો. (ડૉ.) સૈલેશ અય્યર, પ્રાચાર્ય, નર નારાયણ શાસ્ત્રી ઇન્સ્ટિટ્યૂટ ઓફ ટેકનોલોજી જેતલપુર એ જણાવ્યું કે નર નારાયણ શાસ્ત્રી ઇન્સ્ટિટ્યૂટ ઓફ ટેકનોલોજી જેતલપુર ના સંશોધન અને વિકાસ પ્રકોષ્ઠ (R&D સેલ) અને લાઇફલાઇન ફાઉન્ડેશન વચ્ચે યોજાયેલ આ સંવાદ અત્યંત ઉપયોગી અને અર્થપૂર્ણ રહ્યો. સંવાદનો મુખ્ય ઉદ્દેશ ફોરેન્સિક વિજ્ઞાન, કૃત્રિમ બુદ્ધિમત્તા (એઆઈ) અને સાઇબર સિક્યુરિટીના ઉપયોગ દ્વારા હાઇવે અકસ્માત વ્યવસ્થાપન, ટ્રોમા કેર અને ગુનાસ્થળ તપાસને વધુ અસરકારક બનાવવાનો હતો.
અકસ્માત તપાસને મજબૂત બનાવવા માટે ફોરેન્સિક સ્ટાન્ડર્ડ ઓપરેટિંગ પ્રોસિજર (SOPs) અને એઆઈ ટૂલ્સના એકીકરણ, પોલીસ અધિકારીઓને ગુનાસ્થળ સુરક્ષિત રાખવાની તાલીમ, હાઇવે હેલ્પલાઇન કેન્દ્રોની સ્થાપના તેમજ તાત્કાલિક સહાય માટે ફોરેન્સિક રિસ્પોન્સ વાહનોની જરૂરિયાત પર ખાસ ભાર મૂકવામાં આવ્યો.
પૂર્વ IPS અધિકારી ડૉ. કેશવ કુમાર અને ડૉ. સુબ્રતો દાસ દ્વારા આપવામાં આવેલા સૂચનોની પ્રશંસા કરવામાં આવી, જે નર નારાયણ શાસ્ત્રી ઇન્સ્ટિટ્યૂટ ઓફ ટેકનોલોજી જેતલપુર ના વિઝન અને મિશન સાથે સુસંગત છે. નર નારાયણ શાસ્ત્રી ઇન્સ્ટિટ્યૂટ ઓફ ટેકનોલોજી જેતલપુર એ હાઇવે અકસ્માત અને ટ્રોમા મેનેજમેન્ટના ક્ષેત્રમાં સહકાર અને નેતૃત્વ આપવાની પોતાની પ્રતિબદ્ધતા પુનરાવર્તિત કરી અને આ દિશામાં ઉત્તમતા કેન્દ્ર સ્થાપવા માટે સહયોગનું સ્વાગત કર્યું. સંસ્થાના પ્રાધ્યાપિકા ડૉ. વિશાલી શર્માએ જણાવ્યું કે સંવાદમાં સંસ્થાના વરિષ્ઠ પ્રાધ્યાપકો ડૉ. ગીતા ગુપ્તા, ડૉ. શિવાણી પંડ્યા, ડૉ. નિકુંજ, ડૉ. કલ્પેશ તથા વિનય અસેરી સહિત અન્યોએ પણ ભાગ લઈ પોતાના વિચારો વ્યક્ત કર્યા.
